PMU ทุนทางวัฒนธรรม
“เพลงสวนหอมและสวนกะหล่ำ” นอกจากนี้ยังมีบทซอทำนองอื่อที่แต่งขึ้นเพื่อบอกเล่าเรื่องราวในวิถีชีวิตของชาวแม่แจ่ม ที่มีการปลูกหอมขาวหอมแดง และกะหล่ำปลีกันอย่างมาก พ่ออิ่นคำ นิปุนะ ได้แต่งบทซอในทำนองเพลงอื่อ โดยให้ชื่อว่า “เพลงสวนหอมและสวนกะหล่ำ” ขอยกมาเป็นตัวอย่างดังนี้ “ค่อยฟัง ยังก่อนเต๊อะนาย ข้าจักบรรยาย เป็นอย่าง อันเรื่องสวนหอม และสวนกะหล่ำ มันมีกู้บ้าน กู้จอง ตังบ้านฝาย ทับไร่ เปิ้นก็เขือกกั๋น จ้าดหลาย ปอบ่มีตี้เลี้ยงงัว เลี้ยงควาย โต้งนาปอบ่าว่าง บ่เปล่า เขาจ้วยกั๋นตึงยิง ตึงจาย บ่ว่าคนหนุ่ม คนเฒ่า เขาเขือกกั๋นหลับดึก ลุกเจ๊า เสียกู้บ้าน กู้จอง เพราะเขาจะได้เงิน มากมาก บางคนปอเอาแขนมาหนุน ต๋างหมอน ถ้าลุกจาก ตี้นอน ก็เป๊อะโบโด ออกโต้ง ปอถึงแปดโมง เก้าโมง ลูกเมียเขาเอาเข้า ไปส่ง เข้าตอนเข้างาน กิ๋นยังก๋างโต้ง ยังบ้านกิ๋นก่า เข้าแลง ธรรมดาเปิ้นยะนา ปลูกเข้า เขาเอาไปปลูกเต้า ปลูกแต๋ง เพราะเขาคิดถึงใบเขียว ใบแดง เข้าสารก็แปง เสี้ยงอย่าง กระสอบหนึ่งตกอยู่ ปันป๋าย มันตึงบ่ยอม ลงต่ำ เสียทีเขาขาย กะหล่ำ กิโลห้าสิบ สตางค์ บ่ขายก็รอตึง บ่ได้ เพราะบ่มีสังกิ๋น สังสรรค์ เข้าไปผ่อตี้ไว้ เข้าสาร ก็เหลือแต่ปี๊บ เปล่าเปล่า ออกไปกล๋างโต้ง กล๋างนา ก็หันแต่ป่ายา กับป่าถั่วเน่า คนบ่าเดี่ยวบ่ค่อย ปลูกเข้า ปลูกก้าหอมแดงหอมขาว ตึงมวล พอถึงเดือนสาม เดือนสี่ เปิ้นได้หาบเข้าใส่เล้า ใส่หลอง ข้าไปหันบ้านปู่แก้ว ย่าฟอง มีหลองบ่มี เข้าใส่ อำเภอแม่แจ่มมันมีหลาย ตำบล เขาก็นิยมปลูกหอม ผับค่วย เขาเอานาปลูกเข้าคนไฮ่ สองไฮ่ มอกได้กิ๋นไป พลางพลาง ถ้าเขาขายหอมเอาเงินไป ซื้อเข้า ผดแผวเมืองป๊าว เมืองฝาง จ๋นได้เสี้ยงค่ารถ ค่าราง ก็ปิ๊กขึ้น ป๋างเปล่า บางคนบ่ยอม คืนหลัง ผดแผวแม่ขะจานยังแผวเวียง ป่าเป้า ป๊กเอาเงินไปเซาะ ซื้อเข้า ผดแผวแม่สาย แม่จัน เซาะซื้อไหนก็บ่ได้ หนอเฮา ผดแผวพะเยาลายบ่ เป็นก๋าร บ่ได้เข้าเปลือกว่าจะซื้อ เข้าสาร เสียหมู่แม่มานบ่ได้ กิ๋นแกลบ ผ่อเขาล่นโตย สมัย เอาหลังออกไป ตากแดด บางคนฮ้อนหัวปอ จะแตก แข่งกั๋นตึงจาย ตึงญิง ผ่อเขาทำงาน เหื่อออก ผ่อหลังเหลื้อมเหมือนหลัง งูสิง ผ่อเขาแข่งกั๋น บกดิน ขี้ก็จ๋นปอ บ่นั่ง บางคนก็บกบางคน ก็ไถ ข้าไปหันเขายะสวน กะหล่ำ ยะมาหน้าเป็นฟ้าว เป็นฟั่ง แข่งกั๋นตึงยาง ตึงไต ถ้าบกสวนกะหล่ำ เขาแล้ว เขาก็เอากั๋นไปขึ้น แปลงหอม บางคนจ๋นปอด้อง ปอผอม ก็เหลือแต่หนัง ห่อดูก...” ฯลฯ
จับต้องไม่ได้ : InTangible.
วรรณกรรมพื้นบ้าน : FL : Folk Literature บทร้องพื้นบ้าน
.
เลขที่ : บ้านไร่ ต. ท่าผา อ. แม่แจ่ม จ. เชียงใหม่ 50270
เจษฏา สุภาศรี : มหาวิทยาลัยเทคโนโลยีราชมงคลล้านนา :
Chatbot